معاناة بطلة التكواندو هدى أيت أوعلي

 التوزاتي 

نترككم مع ما نشرته  البطلة المغربية هدى أيت علي  على جدارها بالفايسبوك   :

” اول مرا غادي نكتب شي حاجا بحال هاكا فالفيسبوك ، حيت كنت ديما بعيدة على هاد صداع، دابا غادي نكتب حيت كاينا لي تساؤل علاش بقيت ساكتا و استاذي بوحدو لي كايهدر و كاين لي ماكانش كاع حاضر و بدا كايكتب ويعيش الحدث وهو لا تمسه اي صلة بالموضوع . ناس لي بغاو يسمعو الحقيقة قسما بالله العلي العظيم ماغاتلقاوها فشي مقال من غير هادا . نهار السبت 29/07/2017 قبل الغدا كالولينا عندكوم السبت بالعشية و الحد راحة لي بغا يمشي لدار يمشي لي بغا يبقا يبقا ، مشيت للغرفة عاونت صاحبتي لي كان خاصها تمشي تشوف دارهم جمعت معاها صاكها وكلتليها غادي ندي صاك ديالك للمطعم مين تسالي سدي الباب و أجي ، مشيت يالاه بديت نتغدا و جات كلات دغيا حيت كان الاستاذ لي غايوصلها كايساينها برا ، كلت ليها سيري دغيا لبلاطو ديالك انا نجمعو ، بديك الزربا مشات او دات معاها سوارت الغرفة ، سالينا لغدا و انا و ولد النادي ديالي و 2 بنات و شي دراري بقينا فالمعهد ، مورا لغدا مشيت كلست فcafétéria انا وولد النادي ديالي موراها بشي 30min ماكاملاش كايدخلو عندي جوج بنات من الصغار كايكولولي x طايحا فالارض كاتغوت ماعرفناش مالها سولتهم على الاستاد المسؤول عليهم كالولي ماكاينينش -علاش البنات الصغار عيطولي انا ؟ حيت x لي طاحت كانعرفها و استادها كان استادي -انا جيت نايضا كانجري قربت للبلوك سمعت لبنت كاتغوت تخلعت كولت لبنات واش ماعندكم حتى دوا كالولي لا كلت ل xمالكي شنو نقدر نديرلك كاتكولي راسي كايضرب فيه الضو و جيت نهزها لقيتها عرقانا بزاف و كالتلي هدى ديريلي تلج فراسي راه كايضرني بزاف .

انا هزيتها و ديتها للبلوك ديال الكبار وقفتها حدا الغرفة ديالي و مشيت كاندق على الاستاذ n المسؤول عليهم لي الغرفة ديالو معانا فالبلوك كاندق و كانعيط عليه ماكايجاوبش كانرجع عند البنت لقيتهاغادي طيح كاتكولي فيا دوخا و ماقاداش تحل عينيها جيت نحل الباب و عاد تفكرت صاحبتي دات السوارت و هزيت رجلي و هرست القفل ديال الباب و نعست البنت و عطيتها فولطارين و فيتامين و درت ليها تلج فراسها مورا شي ساعا و انا حداها كانعس فيها ، قربات الحصة ديال الصغار هي بقوة الخلعة كاتكولي خاصني نتريني وقفتها البنت ماقاداش توقف و ماقاداش تحل عينيها مزيان و قنعتها باش ترتاح وانا غادي نكول الاستاذ n على المرض نتاعها ،و انا كانتسنا الاستاد n لي معانا فالبلوك مشيت تاصلت بالاستاد ديال البنت و كولتلو لي وقع و كالي البنت كاتعني من شي مرض فالرأس ديالها و مع ضغوطات المعهد مرضات و موراها هو هدر مع واليديها ، المهم جا الاستاذ n المسؤول على الصغار و كولتلو على البنت لي مريضة و فداك الوقت البنت كان داها النعاس كانضن مع شي 17h البنت كانت ناعسة مع جوايه 18h جاو واليديها وفيقتها و خرجنا انا وياها و خليتها مع واليدها .

و بليل جا استاذها و خرجنا شفناه هنا تسالا نهار السبت . الاربعاء02/08/2017 خرجو النتائج ديال الدراري الصغارلي غادي يشاركو فبطولة العالم بمصر ، الاخبار و صلات بليل و فديك اللحظة انا كنت ناعسة ، و البنت x عرفات راسها ماغاداش و الاسف سخفات وهاد المرة حيت الليل و من المفروض كلشي فالغرف ديالو ، جاو عندي بنات صغار كايكولولي x سخفات انا نضت انا وصاحبتي مشينا دخلنا للغرفة ديالها لقيت دراري صغار كاملين تما ، شي كالوح عليها الما شي كايوكلها العسل ، يالاه جيت نقرب ليها وهما يدخلو الاساتذة و باعتبارهم الاولى بمسؤولية الطفلة انا رجعت للغرفة ديالي و جبت الهاتف ديالي ورجعت لعند الطفلة لقيت الاساتذة داوها يهدرو معاها ، صافي رجعت انا و صاحبتي للغرفة ديالنا ، بليل الطفلة x دقات عليا و باش تبات معايا و كالتلي “الاستاد سولني فين ترتاحي و كلتلو ديني عند هدى ” الجمعة 04/08/2017 راجعين من الحصة لي قبل الغدا و كالتلي صاحبتي راهوم جاو صورو باب ديالنا و راه ناض صداع وكذا ،مهم مشينا نتغداو خرجت لقيت مسؤول من المعهد كايسول على لي هرسات الباب كولتلو انا و كانو معاه جوج اساتذة ديال الكبار كالولي خاصنا تقرير علاش هرستي الباب كلت ليهوم واخا ، مشينا الغرفة صاوبنا التقرير مشينا الحصة حطيناه ، ديك الحصة كانو غادي يعطيونا الفلوس ، عيطولي مشيت نستلم الفلوس من عند عضو فالجامعة شديت الفلوس جيت نكتب سميتي و العضو ضار شاف مورايا و كالي سمحيلي حطي الفلوس ماشي دابا انا درت لقيت الاستاد n مورايا عرفتو هو لي كاليه مايعطينيش الفلوس .

انا حنيت راسي و مشيت كلست جات عندي صاحبتي كالتلي شنو وقع كلشي عطاوهم الفلوس ايلا نتي كلتليها هاداك مابغاش ، الاستاد n شافني كاشير عليه و كالي “كاتشيري عليا واش انا ماعنديش سمية ” و موراها بدا كيغوت و كال “انا مسؤول هنا و مأطر ماغاديش تجي برهوشة قد بنتي تشير علياو تكول هاداك وانا لي كاندافع عليك نتي دايرا السيبة هنا ” ، اناباش ندافع على راسي من جملة -نتي دايرا السيبا- جاوبتو”الباب هرستو على قبل البنت ونتا كمأطر و مسؤول على فئة الصغار من المفروض تكون حاضر…” الاستاذ n قاطع هدرتي و بدا يغوت عليا و من الهدرة لي كالي و مابغاتش تفارق دماغي “غادي نعيط لسي الرئيس وًانا الا مابغيتكش تلعبي و نجري عليك غادي نديرها” و غادر القاعة ، انا غلبوني دموعي و بديت نبكي ، وخرجوني استاد و استاذة وبقاو يهدرو معايا و حكيتلهم القصة ديال الطفلة x و ماتقونيش حيت كانو دورو الهضرابيناتهم وختارعوا قصة مثيرة بمعنى الكلمة . انا مين ماتاقونيش جبت البنت x و عتارفات بكلشي ،انا فرحت بنيتي كان يسحابلي الاساتذة الجوج لي شافو البنت تعتارف سحابلي عندهم شخصية و ضمي