هشام ” جيراندو” حصل حصلة ديال الكلاب

طنجة اليوم : متابعة

واحد السيدة الله يجازيها بخير حطات وجهو في المرايا ، وكشفات على الزفيط ديالو والكذوب لي ما كايساليش عند سيهم خيراندو.

فبعد ما جا كيوقوق علينا النصاب والمبتز هشام جيراندو، قالك حگا الواد راه المسؤولة عن القنصلية المغربية في مونتريال جرات على مواطنة مغربية جات باش تحضر لمراسم افتتاح المقر الجديد.
من بعد خرجات المعنية بالأمر ولي دوا عليها مول السلوگيات، فرشاتو وفركاتو… هاد السيدة لي سميتها زاهية معزوزي، خرجات ليه امولاي ببث مباشر من داخل القنصلية في مونتريال وكذبات گاع داك الزعت لي طلقو علينا، لي الصباح وماطال كيظل ينشر الفتنة بين المغاربة بهاد لخبار الملاوطة…

السيدة عطاتو في وجهو نيشان، والحمد لله عندنا مغاربة ومغربيات شرفاء ما كيقبلوش لي يمس ببلادهم ولا يكذب باش يقيس الصورة ديال مؤسسات البلاد، وأكدات أنه بحالها وبحال جميع المواطنين كتستافد من الخدمات القنصلية في جو زوين، وقالت ليه بالعربية تاعرابت “تعلم دخل سوق راسك وباركا من الفتنة وترويج الأخبار الكاذبة…”

وا للا زاهية معزوزي معامن تا دوي، راه خونا تيكذب على الحيين والميتين، ما خلا تا قنت.. تيطلق في السلوگيات ديالو أعوام هادي مازال ما عيا او ما بغى يحشم… ولكن عبرتي عليه ملي طفيتي ليه الفيخرات ديالو وبينتي حقيقتو للمغاربة، راه وجهو قاسح ما عندوش علاش يحشم….

* – ساخر مغربي على منصة X

x

Check Also

هذا هو الجديد الذي ستعرفه الطرق السيار بالمغرب

  طنجة اليوم : متابعة من المنتظر أن يتم تطبيق مجموعة من ...